Ўзбекистон, Тошкент - Batafsil.uz. Термиз туманида 10-синф ўқувчиси онасига тегишли Cobalt русумли автомобилни бошқариб бораётиб, ёритиш устунига урилиши оқибатида йўл-транспорт ҳодисаси содир бўлди. Оқибатда машинадаги синфдоши воқеа жойида ҳалок бўлган, ҳайдовчи ўсмир эса жонлантириш бўлимига ётқизилган.
Сурхондарё вилояти ИИБ ЙҲХБ маълумотига кўра, мудҳиш ҳодиса 2026 йил 9 октябрь куни ярим тунда юз берган.
Термиз шаҳридаги мактаблардан бирининг 16 ёшли ўқувчиси автомобилни катта тезликда бошқариб борган. Зарб оқибатида машина парчаланиб кетган.
Ҳозирда мазкур ҳолат юзасидан жиноят иши қўзғатилиб, суриштирув ишлари олиб борилмоқда.
Олдинроқ Тошкентда 4 сентябрь кунида 22 та ЙТҲ содир бўлиб, 5 мингга яқин йўл ҳаракати қоидабузарлиги аниқланганди.
Изоҳлар мавжуд емас