Ўзбекистон, Тошкент - Batafsil.uz. Сурхондарёда 29 ёшли Nexia-2 ҳайдовчиси пиёдалар ўтиш жойидан ўтаётган 8 ёшли мактаб ўқувчисини уриб юборди.
"Ҳудуд" телекўрсатувида маълум қилинишича, фожиа Узун туманидаги мактаб ёнида содир бўлган. Огоҳлантирувчи йўл белгисига қарамай, ҳайдовчи тезликни пасайтирмаган.
Воқеага жабрланувчининг дугонаси гувоҳ бўлган. У бу ҳақда ўқувчининг онасига хабар берган. Аёл шифохонага етиб келганида, унинг қизи аллақачон вафот этган эди.
Жиноят иши материаллари жиноят ишлари бўйича Узун туман судида кўриб чиқилди. Суд қарорига кўра, ЙТҲ айбдори беш йилга озодликдан маҳрум этилди. Шунингдек, унга икки йил давомида барча турдаги транспорт воситаларини бошқариш тақиқланади.
Изоҳлар мавжуд емас