Ўзбекистон, Тошкент – Batafsil.uz. Ҳуқуқни муҳофаза қилиш идораларининг тезкор ходимлари “Микрокредитбанк”нинг бўлим бошлиғини ушлашган. У ипотека кредитини ажратиш учун пул талаб қилган. Бу ҳақда ИИВ маълумотларига ҳавола қилган ҳолда мухбиримиз хабар бермоқда.
"7 декабрь куни Ўзбекистон фуқароси Ички ишлар вазирлигига мурожаат қилшган. У ипотека кредити олиш учун “Микрокредитбанк”нинг Тошкент филиалига мурожаат қилган. Эркак ушбу маблағлардан пойтахт вилоятининг Зангиота тумани ҳудудида қуриб битказилмаган уйдан хонадон сотиб олиш учун фойдаланишни режалаштирган", - дея қайд этмоқда вазирлик.
Кредит бериш учун банкнинг чакана хизматлар бўлими бошлиғи ундан 2 минг АҚШ доллари талаб қилиб, бу пулни учинчи шахс орқали етказишни айтган.
Коррупция ва иқтисодий жиноятларга қарши курашиш бошқармаси ходимлари томонидан Тошкентнинг Чилонзор туманида ўтказилган тадбир давомида аризачидан 2000 доллар олаётган пайтда яна бир шахс қўлга олинган. Кейинчалик, тезкор ходимлар чакана хизматлар бўлими бошлиғини ҳам қўлга олишган.
Ушбу ҳолат юзасидан Жиноят кодексининг 168 (фирибгарлик) ва 211 (порахўрлик) моддалари бўйича икки кишига нисбатан жиноий иш қўзғатилган. Тошкент вилояти прокуратураси тергов ҳаракатларини олиб бормоқда.
Изоҳлар мавжуд емас