Ўзбекистон, Тошкент – Batafsil.uz ЯА. Аэропортда портловчи мослама ўрнатилганиги ҳақида ёлғон хабар берган киши ҳуқуқни муҳофаза қилиш идоралари томонидан қўлга олинди. Бу ҳақида Batafsil.uz мухбири хабар бермоқда.
“29 отябрь куни тахминан соат 13:30 да К.Т. исмли фуқаро маст ҳолатда Жиззах вилояти Арнасой туманида бўла туриб, маълумотлар хизматига қўнғироқ қилган ва Тошкент аэропортида яқинида портлаш юз беришини айтиш учун ички ишлар идоралари телефон рақамини сўраган”, - деб Ички ишлар вазирлиги ҳузуридаги Тергов департаменти маълум қилди.
Шундан сўнг, тахминан соат 13:45да Тошкент аэропорти Хавфсизликни таъминлаш Бошқармаси навбатчилик қисми ходими у билан боғланганида, К.Т. “Тошкент-Истамбул” рейси орқали 5-6 килограмм гиёҳванд моддалари олиб келиши кутилётганлигини айтиб, қўшимча маълумот бериш учун учрашишни таклиф қилган.
Тергов департаменти маълумотига кўра: “Мазкур хабар асосида Жиззах вилояти ИИБ ходимлари томонидан ўтказилган тезкор тадбир натижасида К.Т. Пахтакор тумани бозори ҳудудида қўлга олинган. У кўрикдан ўтказилганида, ёнидан портловчи мослама ва гиёҳванд моддалар ҳақида қўнғироқлар амалга оширилган телефон аппарати топилган”.
Мазкур ҳолат бўйича 29 октябрь куни Жиноят Кодексининг 227 (безорилик) моддаси 1-қисми бўйича жиноий иш қўзғатилган. Айни пайтда тергов ишлари олиб борилмоқда. Унинг натижаси бўйича қонуний чоралар кўрилади.
Не пропусти ничего важного: больше новостей в Telegram-канале Podrobno.uz.
Изоҳлар мавжуд емас