Ўзбекистон, Тошкент - Batafsil.uz. Тошкент вилояти ҳуқуқ-тартибот идоралари ходимлари Бўстонлиқ туманида маҳалла мутасаддисини жиноят устида қўлга олди. У давлат фондидан бировнинг уйи ва ери учун 150 минг доллар сўраган.
Бу ҳақда Тошкент вилояти ИИБ Ер ресурсларини талон-торож қилишга қарши курашиш бўлимига маҳалла фуқароси хабар берган. Аниқланишича, уй бошқа шахсга тегишли бўлиб, унга туташ бўлган 1,3 гектар ер майдони ҳокимликнинг захира фондида сақланмоқда.
Ҳуқуқ-тартибот идоралари ходимлари "сотувчи"ни махсус операция давомида келишилган пулдан 50 минг долларни аванс тариқасида олган вақтида қўлга олган. Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Наманган ҳокими 60 минг доллар пора олганликда гумонланиб қўлга олинганди. У тадбиркордан кўп қаватли уй қуришга рухсат олиш учун маблағ талаб қилган.
Изоҳлар мавжуд емас