Загрузка
Загрузка
Тошкент вилоятида яшовчи аёл ижтимоий тармоқларда ўзини бадавлат  киши қилиб кўрсатган. У гўёки Ўзбекистонга қимматбаҳо буюмлар ва пул  солинган чамадон олиб бораётганини айтиб, содда кишиларни алдаган
Ҳодисалар

Тошкент вилоятида яшовчи аёл ижтимоий тармоқларда ўзини бадавлат киши қилиб кўрсатган. У гўёки Ўзбекистонга қимматбаҳо буюмлар ва пул солинган чамадон олиб бораётганини айтиб, содда кишиларни алдаган

654
Загрузка

Ўзбекистон, Тошкент – Batafsil.uz. Тошкент вилоятида яшовчи аёл ижтимоий тармоқларда ўзини Ўзбекистонга пул ва қимматбаҳо чамадонлар олиб келаётган бадавлат хорижлик фуқаро сифатида кўрсатган. У “тажрибасиз сайёҳ” ҳисобидан қўшимча пул ишлашни истаган ўзбекистонликларнинг пулини алдаб олган. Бу ҳақда мухбиримиз хабар бермоқда.

"Қарши туманида яшовчи 25 ёшли фуқаро ички ишлар органларига ариза билан мурожаат қилган. Айтишича, у Швейцария фуқароси Раяна Оливиа билан танишган, “хорижлик” аёл эса фирибгарлик йўли билан ундан 13,2 миллион сўм олиб қўйган", - деб маълум қилмоқда ИИВ.

Аёллар ижтимоий тармоқларда танишиб олишган ва бир   муддат ёзишиб туришган. Раяна Оливиа самолётда қимматбаҳо буюмлари ва пулларини икки чамадонда Ўзбекистонга жўнатаётганини маълум қилган. Шу билан бирга, у транспорт харажатларини тўлаш учун пули йўқлигини айтган ва ўзбекистонлик аёлдан божхона харажатларини қоплаш учун вақтинча 14 миллион сўм қарз беришни сўраган ва келганида албатта қайтариб беришини билдирган.

Ўзбекистонлик аёл банк картасининг юборилган рақамига пул ўтказгандан сўнг, уни блоклаб қўйган Оливиа билан боғлана олмаган. Шундан сўнг, аёл фирибгарнинг тузоғига тушиб қолганини англаган.

Олиб борилган тезкор-қидирув тадбирлари жараёнида ўзини Раяна Оливиа деб таништирган аёл Тошкент вилояти Олмалиқ туманида яшовчи 47 ёшли аёл эканлиги аниқланган.

Унга нисбатан Жиноят кодексининг 168-моддаси 1-қисми (фирибгарлик) бўйича жиноят иши қўзғатилган ва тергов ҳаракатлари олиб борилмоқда.

Жиноятчи 1 йилдан 3 йилгача озодликни чеклаш ёки 3 йилга озодликдан маҳрум қилиш билан жазоланиши мумкин.

Ўзбекистон бўйлаб янгиликлар: Telegram-каналга уланинг

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...