Тошкентда 64 ёшли эркак рецептда кўрсатилгандан бошқа дорини сотган фармацевт-қизга ташланган

16 July 2020, 18:07 500 ... Ҳодисалар
Тошкентда 64 ёшли эркак рецептда кўрсатилгандан бошқа  дорини сотган фармацевт-қизга ташланган

Ўзбекистон, Тошкент – Batafsil.uz ЯА. Тошкентда 64 ёшли эркак фармацевт-қизга ташланиб, дорихона ойнасини синдирган. Бунга сабаб шу бўлганки, дорихона сотувчиси унинг невараси учун мўлжалланган дори меъёрини ошириб юборган ва натижада болакайнинг ҳарорати кўтарилган. Бу ҳақида мухбиримиз маълум қилмоқда.

10-июль куни 64 ёшли Гафуржон С. пойтахтнинг Олмазор туманида жойлашган дорихонага келиб, ходимни сўккан, пештахтадан нарсаларни унга отиб юборган ва ойнани синдирган. Дорихонада безорилик қилган эркакнинг видеолавҳаси ижтимоий тармоқларда тарқалган. Дорихонага етказилган зарар 2,4 миллион сўмга баҳоланмоқда

Ҳуқуқ-тартибот идораларининг аниқлашича, мазкур воқеа арафасида Ғафуржон С.нинг ўғли Алишер дорихонага борган. Toshkent телеканалининг хабар беришича, шифокор 6 ёшли болага атропинни 0,1 фоиз дозада қабул қилишни буюрган. Аммо дорихоначи Алишерга катталар учун мўлжалланган 1 фоизли эритмани сотган.

Ғафуржоннинг сўзларига кўра, ушбу дори қўллаганилганидан кейин боланинг соғлиғи ёмонлашган – ҳарорати ошган, у буғила бошлаган ва натижада касалхонага олиб борилган.

Эркакнинг сўзларига кўра, дори воситасидан фойдалангандан сўнг, у рецептни диққат билан ўқиб чиққан. Унда айтилишича, 7 ёшгача бўлган болаларни даволаш учун эритмани қўллаш қатъиян таъқиқланган. Аммо, фуқаронинг айтишича, фармацевт ўғлини дори болалар учун ҳам мос келишига ишонтирган.

- Мен жуда асабийлашдим, чунки бу болани оиламизда тўрт йил кутганмиз. Шу учун дарҳол дорихонага бордим. Агар сотувчи қиз шунчаки кечирим сўраганида, мен қўполлик қилмаган бўлардим. Аммо аксинча, у гап қайтаришни бошлади. Шунда мен ўзимни йўқотиб қўйдим, - деди Ғафуржон С.

Воқеа Олмазор тумани ички ишлар органлари фаолиятини мувофиқлаштириш бошқармаси ходимлари томонидан ўрганиб чиқилган. Ҳозирги вақтда иш материаллари қонуний қарор қабул қилиш учун туман маъмурий судига юборилган.

Матнни тайёрлади:
  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Рўйхатга қайтиш