Ўзбекистон, Тошкент - Batafsil.uz. Тошкент шаҳрининг Шайхонтоҳур туманида, Чорсу бозори яқинида 7-автобус саройига тегишли автобусда ёнғин содир бўлди. Ҳодиса 7 ноябрь куни Лайлитуғон кўчасида юз берган. Жабрланганлар йўқ.
Тошкент шаҳар Фавқулодда вазиятлар бошқармаси маълумотига кўра, автобус ёнғин ҳақидаги хабар 12:01 да келиб тушган. Қутқарувчилар воқеа жойига етиб бориб, ёнғинни 12:09 да тўлиқ бартараф этган.
Ҳодиса оқибатида автобусга зарар етган. Ёнғин натижасида ҳеч ким тан жароҳати олмаган.
Ҳозирча ёнғиннинг келиб чиқиш сабаблари ҳақида маълумот берилмаган.
Олдинроқ Тошкентда Lixiang Li 9 уриб юбориши оқибатида 39 ёшли пиёда вафот этганди.
Изоҳлар мавжуд емас