Ўзбекистон, Тошкент – Batafsil.uz. Тошкентлик аёл боласига “ташланган” мушукчани бешинчи қават деразасидан улоқтирган. Бу хақда мухбиримиз хабар бермоқда.
"4 июль куни "Меҳр ва Оқибат" ҳайвонларни ҳимоя қилиш жамиятининг ишонч телефонига Тошкент шаҳрида истиқомат қилувчи фуқародан хабар келиб тушган. У 5 қават деразасидан икки ойлик мушукча ташлаб юборилганига гувоҳ бўлган. Аёл ва яна иккита гувоҳ милицияга мурожаат қилиб, ариза ёзган", - дея қайд этишмоқда зооҳимоячилар.
Суд жараёнида судланувчининг айтишича, тозалаш вақтида квартирага мушук югуриб кириб, боласига ҳужум қилган ва уни тирнаган.
Судья Маъмурий жавобгарлик тўғрисидаги Кодекснинг 111 моддаси (ҳайвонларга шафқатсиз муносабатда бўлиш) бўйича аёлни БҲМнинг 1 баравари (245 000 сўм) миқдорида жаримага тортишга қарор қилган.
Изоҳлар мавжуд емас