Тошкентда қизалоққа тегажонлик қилган зўравон беш йилга қамалган
Ҳодисалар

Тошкентда қизалоққа тегажонлик қилган зўравон беш йилга қамалган

613

Ўзбекистон, Тошкент – Batafsil.uz. Тошкентда қизалоққа тегажонлик қилган зўравон беш йилга қамалган. Бу ҳодиса ўша пайтда катта шов-шувга сабаб бўлганди. Ўтган йилнинг ноябрь ойида қизалоқни пана жойга тортиб келмоқчи бўлган ҳолатни акс этган лавҳа ижтимоий тармоқларда тарқалди. Яхшиямки, қизалоқ қочиб кетишга муваффақ бўлган. Бу ҳақда зўравонликка қарши Nemolchi.uz. лойиҳаси маълумотларига таянган ҳолда мухбиримиз хабар бермоқда.

Бу ҳолат бўйича жиноий иш очилган. Тергов давомида маълум бўлишича, эркак илгари бир неча бор судланган ва хавфли рецидивист деб тан олинган. 2022 йил февраль ойида тергов тадбирлари якунлангач, иш Жиноят ишлари бўйича Яшнабод туман судига топширилган.

Олий суд матбуот хизматининг хабар беришича, 2022 йил 6 май куни ёпиқ суд жараёнида ҳукм чиқарилган. Самарқанд вилоятида 1970 йилда туғилган фуқаро Жиноят кодексининг 129-моддаси 2-қисми (вояга етмаган шахсга нисбатан зўравонлик ёки таҳдид қилиш билан боғлиқ бузуқ хатти-ҳаракатларни содир этиш) бўйича жиноят содир этганликда айбдор деб топилган.

У махсус режимли колонияда беш йилга озодликдан маҳрум қилинган. Ушбу моддада назарда тутилган максимал жазо шундан иборат.

Олдинроқ Nemolchi.uz лойиҳаси UNICEF билан биргаликда вояга етмаганларнинг жинсий яхлитлигига қарши жиноятлар учун санкцияларни кучайтиришни таклиф қилганди. Бу таклифлар Ўзбекистон Сенати ҳузуридаги ишчи гуруҳига юборилган. Агар мазкур ташаббуслар қабул қилинса, унда вояга етмаган билан бузуқ ҳаракатлар қилган хавфли рецидивист 8-11 йилга озодликдан ва умрбод маълум ҳуқуқлардан маҳрум қилинади.

Ўзбекистон бўйлаб янгиликлар: Telegram-каналга уланинг  

Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...
18+