Кейинроқ аниқланишича, йўл-транспорт ҳодисаси оқибатида Lacetti автомобилида бўлган икки киши ҳалок бўлган, яна уч нафар, жумладан икки нафар бола оғир тан жароҳатлари билан шифохонага ётқизилган. Маълумотларга кўра, Kia автомобилини вояга етмаган шахс бошқарган.
Ҳодиса бўйича ўтказилган жамоатчилик муҳокамасида ўсмир ўз айбига иқрор бўлиб, отасининг автомобилини рухсатсиз олиб чиққанини, юқори тезлик сабабли тўқнашувнинг олдини ола олмаганини билдирган. У ҳалок бўлганларнинг яқинлари, ота-онаси ва жамоатчиликдан кечирим сўраб, тенгдошларини ҳеч қачон рулга ўтирмасликка чақирган.
Ўсмирнинг отаси ҳам фарзандининг қилмиши туфайли жабрланган оиладан узр сўраб, қонун доирасида қандай жазо белгиланса, қабул қилишга тайёрлигини айтган. Ҳодиса вақтида автомашина калити уйдагилар ухлаб ётган пайтда олиб чиқиб кетилганини таъкидлаган.
Жамоатчилик муҳокамасида маҳалла фаоллари ва мактаб вакиллари иштирок этиб, вояга етмаганларни назоратсиз қолдириш оғир оқибатларга олиб келиши таъкидланган.
Мазкур ҳолат юзасидан Тошкент шаҳар ИИББ ҳузуридаги Тергов бошқармаси томонидан Жиноят кодексининг 266-моддаси 3-қисми "а" банди билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Мутасаддилар ота-оналарни фарзандларининг транспорт воситасини бошқаришига йўл қўймасликка чақириб, вояга етмаганларнинг рулга ўтириши оддий қоидабузарлик эмас, балки инсонлар ҳаётига хавф туғдирувчи жиддий муаммо эканини таъкидлаган.
Изоҳлар мавжуд емас