Ўзбекистон, Тошкент - Batafsil.uz. Тошкентда Gentra ҳайдовчиси йўл-патруль хизмати инспекторини машина капотида судраб кетди. Унга нисбатан Жиноят кодексининг 219-моддаси - "Ҳокимият вакилига ёки фуқаровий бурчини бажараётган шахсга қаршилик кўрсатиш" билан жиноят иши қўзғатилган.
Маълум бўлишича, воқеа 2 ноябрь куни Яшнобод тумани Фарғона йўли кўчасида содир бўлган. Гумонланувчи қўлга олинган, тергов ҳаракатлари олиб борилмоқда.
Маълумотга кўра, 2001 йилда туғилган ҳайдовчининг автомобили 144 марта қоидабузарликка йўл қўйган, шулардан 38 таси муддати ўтган, 30 таси эса МИБга ўтказилган.
Унинг умумий қарздорлик миқдори 18 миллион 90 минг сўмни ташкил этган.
Эслатиб ўтамиз, апрель ойида Самарқанд суди ЙПХ инспекторини уриб юбориб, қочишга уринган Onix ҳайдовчисига ҳукм чиқарган эди. Эркакнинг айтишича, у тўхташ ҳақидаги талабга эътибор бермаган, чунки оилавий жанжал туфайли уйига шошилган - унинг сўзларига кўра, отаси маст ҳолатда онасини калтаклаган. Инспектор ўшанда қоидабузарга эътирози йўқлигини айтиб, озодликдан маҳрум қилмасликни сўраган, шунинг учун эркак уч йил муддатга озодликни чеклаш билан жазоланган.
Изоҳлар мавжуд емас