Тошкентлик мактаб ўқувчиси қўлига ҳанжар олиб, TikTokка ролик   жойлаштирган. Унинг отаси ярим миллион сўмга жарима қилинган
Ҳодисалар

Тошкентлик мактаб ўқувчиси қўлига ҳанжар олиб, TikTokка ролик жойлаштирган. Унинг отаси ярим миллион сўмга жарима қилинган

588

Узбекистан, Ташкент – АН Podrobno.uz. Яқинда TikTokда бир видеоролик тарқалиб, унда мактаб кийимида бўлган ўсмир акс этган. Бола кўп қаватли ўйнинг ёнида туриб, ўткир ҳанжарни қўлига олиб видеога тушган. Мухбиримиз хабар беришича, ўсмирнинг ҳатти-ҳаракати тармоқ фойдаланувчиларини ташвишга солган.

ИИББ ходимлари томонидан мазкур ҳолат ўрганиб чиқилган. Аниқланишича, видео   қахрамони - Олмазор туманидаги мактаблардан бирида ўқиётган 17 ёшли З.Н. исмли ўсмир экан. Бундан ташқари,   у ўқиётган мактаб маъмурияти ҳам бу лавҳага эътибор берган.

Ўсмирнинг отаси - Тожикистонлик 44 ёшли фуқаро   мактабга суҳбат учун чақирилган, бироқ бандлигини айтиб, директорга шахсан ташриф буюра олмаган ва ўрнига қариндошини жўнатган.

Маъмурий жавобгарлик тўғрисидаги Кодекснинг 47-моддаси 1-қисмида (болаларни тарбиялаш ва ўқитиш бўйича бурчларни бажармаслик) назарда тутилган ҳуқуқбузарлик аломатларига кўра, ҳуқуқни муҳофаза қилиш органлари ходимлари томонидан отага нисбатан баённома тузилган. Фуқаро БҲМнинг 2 баравари (540 минг сўм) миқдорида жаримага тортилган.

Бундан ташқари, ҳодиса ҳақидаги маълумотлар Олмазор тумани вояга етмаганлар ишлари бўйича идоралараро комиссияга топширилган.

Ўзбекистон бўйлаб янгиликлар: Telegram-каналга уланинг 

Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...
18+