Ўзбекистон, Тошкент - Batafsil.uz. Жорий йилнинг 18–22 июнь кунлари D-002 ва D-021 автомобиль йўллари кесишган чорраҳада янги кўприк қурилиши ва йўлларни реконструкция қилиш ишлари олиб борилади. Шу муносабат билан пойтахтнинг Бектемир ва Янгиҳаёт туманлари ҳудудидаги бир қатор кўчаларда транспорт воситаларининг ҳаракати вақтинчалик чекланади.
Хусусан, Бектемир туманидаги D-012 "Бектемир–Чирчиқ–Чорвоқ" йўлининг 6-километридан Ийк ота томон юк машиналари ҳаракати тўхтатилади ва улар айланиб ўтиш учун "Роҳат" айланма йўлидан фойдаланишлари мумкин бўлади. Шунингдек, ушбу йўлнинг 2-километридан Food City мажмуаси томон ҳамда D-002 йўлининг Паркент тракт кўчаси билан кесишган чорраҳасидан барча транспорт воситаларининг қатнови чекланади. Бу ҳудудда ҳаракат Фурқат кўчаси ва ТХАЙ орқали ташкил этилган айланма йўлларга йўналтирилади.
Янгиҳаёт туманида эса D-021 автомобиль йўлининг Қипчоқ ва Сурум чорраҳаларидан транспорт воситаларининг ўтиши вақтинчалик тақиқланади. Мутасаддилар ҳайдовчилардан йўлга чиқишдан олдин ҳаракат йўналишини тўғри режалаштиришларини, ташкил этилган айланма йўллардан фойдаланишларини ҳамда йўл белгилари ва ЙПХ ходимларининг талабларига риоя қилишларини сўраган.
Изоҳлар мавжуд емас