Ўзбекистон, Тошкент - Batafsil.uz. Жорий йилнинг 30 июнь куни тонгда Тошкент шаҳрининг Юнусобод туманида Lacetti ва KIA K5 автомобиллари иштирокида оғир йўл-транспорт ҳодисаси юз берди. Ижтимоий тармоқларда кадрлари кенг тарқалиб, жамоатчилик ўртасида баҳс-мунозараларга сабаб бўлган ушбу авария юзасидан Тошкент шаҳар ИИББ ЙҲХБ расмий маълумот берди.
Маълум қилинишича, воқеа соат 05:10 ларда Амир Темур ва Боғишамол кўчалари кесишмасида содир бўлган. Амир Темур кўчаси бўйлаб ҳаракатланиб келаётган Lacetti автомобили чорраҳада ўзининг ўнг томонидан ҳаракатланиб келган KIA K5 русумли транспорт воситаси билан тўқнашган.
Ҳозирда мазкур ҳолат юзасидан Тошкент шаҳар ИИББ ЙҲХБ ходимлари томонидан терговга қадар текширув ҳаракатлари олиб борилмоқда. Ҳуқуқ-тартибот идоралари ходимлари ҳодисанинг барча тафсилотларини, жумладан, автомобилларнинг ҳаракатланиш тезлигини, ҳайдовчилар томонидан йўл ҳаракати қоидаларининг эҳтимолий бузилиш ҳолатларини ҳамда машиналарнинг техник ҳолатини ўрганмоқда.
Шуни таъкидлаш жоизки, расмий баёнотда ҳодиса оқибатида жароҳатланганлар ёки ҳалок бўлганлар ҳақида ҳеч қандай маълумот келтирилмаган. Аммо ижтимоий тармоқлардаги воқеа гувоҳлари авария оқибатида қурбонлар борлиги, хусусан, ёш бола ҳалок бўлган бўлиши мумкинлигини айтмоқдалар.
Изоҳлар мавжуд емас