Загрузка
Загрузка
Ўзбекистон ва Тожикистон Зарафшон дарёси ҳавзасида  иккита гидроэлектростанция қуришади
Ҳодисалар

Ўзбекистон ва Тожикистон Зарафшон дарёси ҳавзасида иккита гидроэлектростанция қуришади

985
Загрузка

Ўзбекистон, Тошкент – Batafsil.uz ЯА. Ўзбекистон ва Тожикистон Зарафшон дарёси ҳавзасида иккита гидроэлектростанция қуришади. Уларда Ўзбекистон эҳтиёжи учун соф 1400 миллион киловатт-соат экологик тоза электр энергиясини ишлаб чиқарилади. Бу ҳақида мухбиримиз маълум қилмоқда.  

Энергетика вазирлиги маълум қилишича, Зарафшон дарёси ҳавзасида гидроэлектростанцияларни қуриш ва улардан фойдаланишда биргаликда иштирок этиш тартиби ва шартлари тўғрисидаги ҳукуматлараро келишув лойиҳасини муҳокама қилиш давом этмоқда - март ойида Душанбеда Ўзбекистон-Тожикистон ишчи гуруҳининг навбатдаги йиғилиши бўлиб ўтади.

Тожикистондаги Зарафшон дарёсида умумий қуввати 320 мегаватт бўлган иккита гидроэлектростанцияни биргаликда қуриш масаласини кўриб чиқиш масаласи ҳар икки мамлакат президентларининг 2018 йил 17 августда имзолаган қўшма баёнотида назарда тутилган. Бу Шавкат Мирзиёев томонидан 2018 йил 28 августда имзоланган қарор билан тасдиқланган "йўл харитаси"га ҳам киритилган.

Гидроэлектростанциялар босқичма-босқич қурилади. Дастлаб, қиймати 282 миллион долларга тенг, қуввати 140 мегаватт ва 700-800 миллион киловатт-соат электр энергиясини ишлаб чиқарадиган Яван ГЭСни қуриш режалаштирилган.

Шундан сўнг, Фандарё дарёсида қиймати 270 миллион долларга тенг, қуввати 135 мегаватт ва 500-600 миллион киловатт-соат электр энергиясини ишлаб чиқарадиган иккинчи ГЭСни қуриш имкониятлари кўриб чиқилади.

Лойиҳа халқаро молиявий ташкилотларнинг кредит ва грант маблағлари, шунингдек томонларнинг ўз маблағлари ҳисобидан молиялаштирилади.

Гидроэлектростанциялар фақат Ўзбекистон эҳтиёжлари учун 1400 миллион киловатт-соат экологик тоза электр энергиясини ишлаб чиқариш имкониятига эга. Улар тенглик асосида ягона энергия тизимининг юқори қувватини ва Ўзбекистон ҳамда Тожикистонинг бошқа минтақаларига энергия оқимини қўллаб-қувватлайди.

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...