Ўзбекистон, Тошкент - Batafsil.uz. Бу йил мамлакатда букмекерлик хизматларини тарғиб қилган тахминан 70 та сайтга кириш чекланди. Жами 86 та шундай реклама жойлаштирган веб-ресурслар ҳақида назорат органларига маълумот юборилган.
Бу ҳақда интернет-ресурсларда ноқонуний рекламаларни аниқлаш бўйича доимий мониторинг олиб бораётган Рақобатни ривожлантириш ва истеъмолчилар ҳуқуқларини ҳимоя қилиш қўмитаси хабар берди. Бундай сайтларга тезкор чора кўриш ва уларни блоклаш мақсадида қўмита тегишли ташкилотлар билан ҳамкорлик қилади.
Қўмитанинг таъкидлашича, "Реклама тўғрисида"ги қонуннинг 46-моддасига мувофиқ, Ўзбекистонда қимор ўйинлари ва таваккалчиликка асосланган бошқа ўйинларнинг рекламаси тақиқланади. Бундай қоидабузарликларни аниқлаш ва олдини олиш ишлари давом этмоқда.
Бундан аввал, кўп сонли аудиторияга эга бўлган икки машҳур блогер ноқонуний қимор ўйинларини реклама қилиш учун маъмурий жавобгарликка тортилган эди.
Изоҳлар мавжуд емас