Ўзбекистон, Тошкент - Batafsil.uz. 2026 йилнинг биринчи ярмида Ўзбекистонда меҳнат фаолияти билан боғлиқ 447 та бахтсиз ҳодиса содир бўлиб, улар оқибатида 494 нафар фуқаро жабрланган. Бу ҳақда Меҳнат инспекцияси маълум қилди.
Маълумотларга кўра, бахтсиз ҳодисаларнинг 21 таси гуруҳий, 311 таси оғир оқибатли ва 113 таси ўлим билан якунланган. Жабрланганларнинг 337 нафари оғир, 20 нафари енгил тан жароҳати олган, 137 нафари эса ҳалок бўлган.
Ҳисобот даврида жабрланганлар ва уларнинг оила аъзоларига 10,4 миллиард сўмдан ортиқ бир марталик ва ойлик товон пуллари ундириб берилган.
Энг кўп бахтсиз ҳодисалар саноат (144 та) ва қурилиш (127 та) соҳаларида қайд этилган. Ҳудудлар кесимида эса Тошкент шаҳри (95 та), Тошкент вилояти (58 та) ва Қашқадарё вилояти (38 та) энг юқори кўрсаткични қайд этган.
Шунингдек, Бухорода 34 та, Самарқандда 33 та, Андижонда 33 та, Навоийда 31 та, Фарғонада 23 та ўлим қайд этилган. Энг кам ўлим Қорақалпоғистон (20 та), Сирдарё (19 та), Наманган (18 та), Жиззах (16 та), Сурхондарё (16 та) ҳамда Хоразм (13 та) вилоятида кузатилган.
Изоҳлар мавжуд емас