Ўзбекистон, Тошкент - Batafsil.uz. Ўзбекистон ва Қирғизистон ўзаро савдо ҳажмини 3 миллиард долларга етказишни мақсад қилган. Бунинг учун икки мамлакат транспорт-логистика алоқалари ва саноат кооперациясини кенгайтиришни режалаштирмоқда.
Қирғизистон ташқи ишлар вазири Жээнбек Кулубаевнинг маълум қилишича, сўнгги йилларда икки давлат ўртасидаги муносабатлар юқори даражага кўтарилиб, қўшма инвестиция ва инфратузилма лойиҳалари фаол амалга оширилмоқда.
Ўзбекистон–Қирғизистон тараққиёт жамғармаси бугунга қадар умумий қиймати 100 миллион доллардан ортиқ бўлган 37 та лойиҳани маъқуллади. Уларнинг натижасида қарийб 900 та янги иш ўрни яратилган.
Шунингдек, томонлар Хитой–Қирғизистон–Ўзбекистон темирйўли лойиҳасини амалга оширмоқда. Янги темирйўл йўналиши Марказий Осиёдаги транспорт ва логистика алоқаларини сезиларли ўзгартириши кутилмоқда.
Икки давлат "Қамбарота-1" ГЭСи қурилиши, саноат кооперацияси, геологик қидирув ва қишлоқ хўжалиги соҳаларида ҳам йирик қўшма лойиҳаларни амалга оширишни режалаштирган. Andijonda Қирғизистон Бош консулхонасини очиш масаласи ҳам кўриб чиқилмоқда.
Бундан олдин Қирғизистоннинг Бишкек шаҳри ва Чуй вилоятида Ўзбекистон–Қирғизистон ҳамкорлигида амалга оширилган, умумий қиймати қарийб 10 миллион долларга тенг икки қўшма лойиҳа фойдаланишга топширилганди.
Изоҳлар мавжуд емас