Ўзбекистон, Тошкент – Batafsil.uz. Россиянинг Новосаратовка қишлоғидаги қурилишда ўзбекистонлик ишчининг бошига бир челак цемент тушди. Шифокорлар эркакни хаётини сақлаб қололмади.
Фожиали ҳодиса якшанба куни Ленинград вилоятининг Всеволожск туманида содир бўлган. "112" хизматига Новосаратовка қишлоғидаги "Невская долина" қурилишида ишчининг бошига ғишт тушиб кетгани ҳақида хабар келиб тушган. Воқеа жойига етиб келган наряд участкада кўп қаватли уй қурилаётганини аниқлади.
Бироқ, қўриқчининг сўзларига кўра, ишчининг бошига цемент эритмаси қолдиқлари бўлган металл челак ташланган. Жабрланувчи 34 ёшли Ўзбекистон фуқароси бўлган. Қурилиш объектида у ички безатиш ишларини бажарди.
Жабрланувчи кўплаб тан жароҳатлари билан Всеволожск клиник туманлараро шифохонасига олиб кетилган. Бир неча соатдан сўнг у вафот этди.
Кузатув камераларига соат 11:47 да номаълум шахс қурилаётган уйнинг олтинчи қаватидаги деразадан мўралаётгани тасвирланган. Шундан сўнг номаълум шахс қўлини чиқариб, чамаси, челакни улоқтиради.
Иш олиб боришда хавфсизлик қоидаларининг бузилиши натижасида ишчининг ўлими ҳолати юзасидан жиноят иши қўзғатилди.
"Ҳозирда воқеа тафсилотларини, шунингдек, унга имкон берган сабаб ва шарт-шароитларни аниқлашга қаратилган тергов ҳаракатлари олиб борилмоқда," - дейилади Ленинград вилояти тергов қўмитаси хабарида.
Аввалроқ Ленинград вилояти (РФ) Уст-Луга посёлкасидаги қурилишда ўзбекистонлик монтажчи ҳалок бўлган эди. Дастлабки маълумотларга кўра, у суғуртасиз ишлаган ва баландликдан қулаган.
Изоҳлар мавжуд емас