Ўзбекистон, Тошкент - Batafsil.uz. Ўзбекистон миллий терма жамоаси ва "Манчестер Сити" ҳимоячиси Абдуқодир Ҳусанов The Athletic талқинига кўра дунёнинг энг кучли футболчилари юзталиги рейтингида 86-ўринни эгаллади.
Рейтинг ёзда жаҳон чемпионатида иштирок этадиган футболчиларни қамраб олади ва уларни клублар ва терма жамоалардаги натижаларига кўра баҳолайди.
Рейтинг етакчиси "Реал" ва Франция терма жамоаси ҳужумчиси Килиан Мбаппе бўлди, у сўнгги жаҳон чемпионати финалида Аргентинага қарши ўйинда хет-трик қайд этганди.
Иккинчи ўринда Ҳусановнинг "Манчестер Сити"даги жамоадоши, Норвегия терма жамоасига 1998 йилдан бери илк бор жаҳон чемпионатига чиқишга ёрдам берган Эрлинг Холанд қайд этилган. Учинчи ўринни Ламин Ямал эгаллади.
Шунингдек, кучли ўнликдан Гарри Кейн, Педри, Жуд Беллингем, Винисиус Жуниор, Лионел Месси, Кевин де Брюйне ва Жанлуижи Доннарумма ўрин олган. Португалия терма жамоаси форварди Криштиану Роналду 25-поғонадан жой олди.
Эслатиб ўтамиз, октябрь ойида Абдуқодир Ҳусанов постсовет мамлакатларидан АПЛнинг энг қиммат футболчисига айланганди.
Изоҳлар мавжуд емас