Ўзбекистон, Тошкент - Batafsil.uz. Аргентина миллий терма жамоаси Англия устидан иродали ғалабага эришиб, кетма-кет иккинчи марта жаҳон чемпионати финалига йўл олди. Учрашув давомида ортда бораётган аргентиналиклар сўнгги дақиқаларда Лионель Мессининг юқори маҳорати ва у томонидан етказиб берилган иккита голли узатма эвазига ўйин тақдирини бутунлай ўзгартиришга муваффақ бўлишди.
Ўйинда ҳисоб 55-дақиқада англиялик Энтони Гордон томонидан очилди ва Англия терма жамоаси деярли учрашув якунигача устунликни сақлаб турди. Бироқ аргентиналиклар баҳс сўнгида кучли босим ўтказиб, навбатдаги камбэкни амалга оширдилар. Дастлаб 85-дақиқада Энцо Фернандес мувозанатни тиклаган бўлса, ҳакам томонидан қўшиб берилган вақтда (90+2-дақиқада) Лаутаро Мартинес ғалаба тўпини киритди. Ҳар икки вазиятда ҳам голларга Лионель Месси ҳаммуаллифлик қилди.
Шу тариқа, 2026 йилги жаҳон чемпионатининг иккала финалчиси номи маълум бўлди. Ҳал қилувчи баҳсда амалдаги жаҳон чемпионлари Аргентина ва амалдаги Европа чемпионлари Испания терма жамоалари тўқнашадилар.
Испания бундан аввалроқ Францияни 2:0 ҳисобида мағлуб этиб, 16 йил ичида илк бор финал йўлланмасини қўлга киритган эди. Мағлуб бўлган Англия ва Франция терма жамоалари эса учинчи ўрин учун майдонга тушадилар.
Изоҳлар мавжуд емас