Ўзбекистон, Тошкент - Batafsil.uz. Аргентиналик 39 ёшли ҳужумчи Лионель Месси Бенин терма жамоасига қарши ўтказилган ўртоқлик учрашувидан сўнг миллий терма жамоадаги фаолиятига якун ясади.
Буэнос-Айресдаги "Монументаль" стадионида кечган хайрлашув ўйинида Месси пенальтидан гол уриб, иккита голли узатмага муаллифлик қилган ва Аргентина терма жамоасининг 3:0 ҳисобидаги ғалабасини таъминлаган.
Учрашувнинг 10-дақиқасида Мессининг 10-рақами шарафига ўйин бир дақиқага тўхтатилиб, стадиондаги мухлислар ва рақиб жамоа футболчилари томонидан қарсаклар билан олқишланган.
Маълумот учун, Месси миллий терма жамоа сафида жами 208 та ўйин ўтказиб, ўз ҳисобига 126 та гол ва 67 та голли узатма ёздириб қўйган.
Месси Аргентина терма жамоаси таркибида жаҳон чемпиони, икки карра Америка кубоги соҳиби ва Олимпия чемпиони ҳисобланади.
Шунингдек, 8 карра "Олтин тўп" эгаси "Барселона", "Пари Сен-Жермен" ва "Интер Майами" клублари сафида қатор рекордларни ўрнатиб, футбол тарихидаги энг буюк ўйинчилардан бири сифатида эътироф этилган.
Эслатиб ўтамиз, аввалроқ Роналду можаро сабаб Португалия терма жамоаси қароргоҳини тарк этганди.
Изоҳлар мавжуд емас