Ўзбекистон, Тошкент - Batafsil.uz. Ўзбекистон миллий терма жамоаси аъзоси Элдор Шомуродов Туркия Суперлигасида 2025/26 йилги мавсумнинг энг яхши тўпурарига айланди. Мавсум давомида кечган қизғин баҳсларда ҳамюртимиз "Трабзонспор" аъзоси Пол Онуачу билан бир хил миқдорда гол уришга муваффақ бўлди.
"Башакшеҳир" клуби шарафини ҳимоя қилаётган Элдор Шомуродов мавсум давомида рақиблар дарвозасига жами 22 та гол уриб, 5 та голли узатмани амалга оширган. Унинг асосий рақобатчиси Онуачу ҳисобида ҳам 22 та гол мавжуд бўлса-да, ассистлар сони бўйича ҳамюртимиздан ортда қолган. Кучли учликни "Фенербахче" аъзоси Андерсон Талиска 19 та гол билан якунлаб берган.
Туркия Суперлигасининг 2025/26 йилги мавсумидаги энг яхши тўпурарлари рўйхати:
- Элдор Шомуродов ("Башакшеҳир") — 22 та гол
- Пол Онуачу ("Трабзонспор") — 22 та гол
- Андерсон Талиска ("Фенербахче") — 19 та гол
- Виктор Осимҳен ("Галатасарой") — 15 та гол
- Муҳаммад Байо ("Газиантеп") — 15 та гол
- Мауро Икарди ("Галатасарой") — 14 та гол
- Фелипе Аугусто ("Трабзонспор") — 13 та гол
- Эрнест Мучи ("Трабзонспор") — 11 та гол
- Хуан Сантос ("Гёзтепе") — 11 та гол
- Марко Асенсио ("Фенербахче") — 11 та гол
Мавсум якунларига кўра, Туркия чемпионатида "Галатасарой" 77 очко билан чемпионликни қўлга киритган. Иккинчи ўрин 74 очко тўплаган "Фенербахче" клубига насиб этган бўлса, "Трабзонспор" 69 очко билан кучли учликдан жой олган. Ўзбекистонлик футболчилар — Аббосбек Файзуллаев ҳамда Элдор Шомуродов тўп тепадиган "Башакшеҳир" жамоаси эса мавсумни 57 очко билан 5-поғонада якунлаган.
Маълумот учун, ҳужумчи Элдор Шомуродов Ўзбекистоннинг 2025 йилдаги энг яхши футболчиси ҳам бўлган.
Изоҳлар мавжуд емас