Ўзбекистон, Тошкент - Batafsil.uz. Испания терма жамоаси Жаҳон чемпионати 1/16 финалида Австрия устидан 3:0 ҳисобида ишончли ғалаба қозониб, мусобақанинг нимчорак финалига йўлланма олди.
Учрашувда Испаниянинг ғалабасига Микель Оярсабаль катта ҳисса қўшди. У 36 ва 89-дақиқаларда рақиб дарвозасини ишғол қилиб, дубл қайд этди. Яна бир голни эса 66-дақиқада Педро Порро киритди.
Бу ғалаба Испания учун Жаҳон чемпионати плей-офф босқичидаги сўнгги 16 йил ичидаги илк муваффақият бўлди. Испанлар бунгача 2010 йилги мундиал финалида Нидерландияни мағлуб этиб, жаҳон чемпиони бўлган эди. Кейинги мусобақаларда эса жамоа ё гуруҳ босқичида, ёки плей-оффнинг илк босқичида мусобақани тарк этган.
Нимчорак финалда Испания Португалия ва Хорватия жуфтлиги ғолиби билан куч синашади. Австрия эса ушбу мағлубиятдан сўнг жаҳон чемпионатидаги иштирокини якунлади.
Олдинроқ Жаҳон чемпионати 1/16 финалида Норвегия Кот-д'Ивуарни, Франция эса Швецияни мағлуб этиб, мусобақанинг кейинги босқичига чиққанди.
Изоҳлар мавжуд емас