Ўзбекистон, Тошкент - Batafsil.uz. Prosports Management футбол агентлиги раҳбари Герман Ткаченко Ўзбекистон футболи юлдузларининг навбатдаги тўлқинини республиканинг U-17 ёшлар терма жамоаси ўйинчилари ташкил этишини маълум қилди. Унинг сўзларига кўра, уларни диққат билан кузатиб боради.
Нобел YouTube каналига берган интервьюсида Ткаченко унинг агентлигида аллақачон ушбу ёш тоифасидаги кўплаб истеъдодлар билан ишлашаётганини таъкидлади. Унинг эслатишича, йигитлар яқинда Осиё Кубогида ёрқин ўйин кўрсатишган ва Саудия Арабистонига қарши драматик финалда ғалаба қозонишган.
У энг умидли футболчилар қаторида "Бунёдкор" вингери Садриддин Ҳасанов, 15 ёшли ҳужумчи Асилбек Алиев, шунингдек, жамоа сардори, Тошкентнинг "Олимпик" клуби таянч ярим ҳимоячиси Мўмин Баҳодирхоновни алоҳида эътироф этди.
- У ерда бошқа йигитлар ҳам кўп. Мен уларнинг барчасини биламан, ҳар бирини кузатиб бораман, ҳар бири билан ишлайман," - дея қўшимча қилди у.
Ўзбекистон ёшлар терма жамоаси U-17 Жаҳон чемпионатига тайёргарлик кўрмоқда Ўзбекистон ёшлар терма жамоаси 11 июнь, чоршанба куни U-17 Жаҳон чемпионати финал турнирига тайёргарлик кўриш доирасида Сантягода чилилик тенгдошлари билан ўйин ўтказди. Ўйин 1:0 ҳисобида ўзбекистонликларнинг ғалабаси билан якунланди. 13 июнь, жума куни ушбу икки жамоа ўртасида назорат учрашуви бўлиб ўтади.
Изоҳлар мавжуд емас