Ўзбекистон, Тошкент - Batafsil.uz. Эрон Про-лигасининг 2025/2026 йилги мавсумида иштирок этган легионер футболчиларимизнинг деярли барчаси аллақачон мамлакат ташқарисида бўлиб турибди.
Championat.Asia сайти тафсилотларни ойдинлаштирди.
Маълумотларга қараганда, "Истиқлол" ҳимоячиси Рустам Ашурматов Дубайга йўл олган бўлса, унинг жамоадоши Жалолиддин Машарипов Италияда реабилитация курсини ўтамоқда.
"Персеполис" вингери Остон Ўрунов Эрон чегарасини кесиб ўтиб, Туркияга йўл олди. Ҳужумчи Игор Сергеев ҳам мамлакатни тарк этиш учун чегарага йўл олди.
"Трактор" ярим ҳимоячиси Одил Ҳамробеков Тошкентга қайтиб келди.
Эслатиб ўтамизки, 28 февраль куни Исроил қуролли кучлари Эрондаги ҳарбий объектларга ҳужум қилди, буни мамлакат мудофаа вазири Исраэл Кац расман тасдиқлади ва ҳаракатларни эҳтиёт чораси деб атади. Операция бошланганидан сўнг Исроил ҳукумати мамлакат ҳудудида фавқулодда ҳолат жорий қилди.
Кейинроқ АҚШ Президенти Доналд Трамп "бевосита таҳдид"ни бартараф этиш ва Теҳронда ядро қуроли пайдо бўлишининг олдини олиш мақсадида Исроил билан биргаликда Эронга қарши кенг кўламли ҳарбий операция бошланганини расман тасдиқлади.
Ҳозир Яқин Шарқ минтақасидаги вазият кенг кўламли ҳарбий қарама-қаршилик босқичига ўтди. Исроил ва АҚШнинг Эрон ҳудудидаги объектларга қарши қўшма операциясидан сўнг Теҳрон нафақат Исроил, балки қўшни араб давлатларига ҳам таъсир кўрсатган оммавий қасос ҳужумини бошлади.
Изоҳлар мавжуд емас