Ўзбекистон, Тошкент - Batafsil.uz. Халқаро допинг-тест агентлиги (IТА) Париж Олимпиадаси чемпиони, ўзбекистонлик боксчи Лазизбек Муллажоновни уч йилга дисквалификация қилди.
Муллажонов айбига иқрор бўлди, шу муносабат билан дастлабки тўрт йиллик дисквалификация муддати бир йилга қисқартирилди. Четлатиш муддати 2025 йил 22 июлдан бошланади ва 2028 йил 21 июлда тугайди.
Шунингдек, боксчининг 11 июндан 22 июлгача бўлган мусобақалардаги натижалари бекор қилинди.
Ёзда IТА Муллажоновнинг 2025 йил июнь ойида, мусобақадан ташқари даврда олинган намунасида метастерон излари аниқлангани ҳақида хабар берди.
Ўшанда Ўзбекистон бокс федерацияси допинг тести ижобий чиққани ҳақидаги хабарларни рад этиб, тест натижаларига изоҳ берганди. Маълум қилинишича, ўтган йилнинг ноябрь ойида спортчи соч кўчириб ўтказиш амалиётини ўтказган. Операция ва кейинги даволаниш давомида ишлатилган препаратлар таркибида тақиқланган таркибий қисмлар бўлиши мумкинлиги тахмин қилинмоқда.
Бутунжаҳон антидопинг агентлиги (WАДА) ва Ўзбекистон Миллий антидопинг агентлиги чиқарилган санкциялар устидан Спорт арбитраж судига (CАS) шикоят қилиш ҳуқуқига эга.
Изоҳлар мавжуд емас