Ўзбекистон, Тошкент - Batafsil.uz. Америка Қўшма Штатлари ва Эквадор Жанубий Америка давлатида наркокартелларга қарши қўшма ҳарбий операцияларни бошлади.
Бу ҳақда АҚШ Қуролли кучларининг Жанубий қўмондонлиги Х ижтимоий тармоғида маълум қилди.
"Эквадор ва АҚШ қуролли кучлари террорчи деб топилган ташкилотларга қарши операцияларни бошлади", - дейилади баёнотда.
Қўмондонликнинг таъкидлашича, ушбу амалиётлар Лотин Америкаси ва Кариб ҳавзасидаги ҳамкорларнинг наркотерроризмга қарши курашга содиқлигининг намунаси бўлди.
Ўз навбатида, Эквадор гиёҳванд моддалар савдоси ва фойдали қазилмаларни ноқонуний қазиб олишга қарши курашнинг янги босқичи бошланганини эълон қилди.
Эквадор расмий баёнотлари ва ОАВ хабарларига кўра, АҚШ декабрь ойидан бошлаб Манаби провинциясидаги собиқ Америка базасига ходимларни жойлаштиришни бошлаган. Етказиб берилган техникалар орасида самолётлар, дронлар ва радарлар ҳам тилга олинган.
Ўтган йили Қўшма Штатлар бу минтақада гиёҳванд моддалар олиб кетаётган қайиқларни йўқ қилиш учун қуролли кучлардан фойдалана бошлади. Америка ҳукумати маълумотларига кўра, бундай операциялар трансмиллий жиноятчилик ва хавфли моддалар савдосига қарши курашга қаратилган.
Эслатиб ўтамизки, ўтган йилнинг кузида Эквадор президентига намойишчилар икки марта ҳужум қилган эди.
Биринчи ҳодиса 2025 йил сентябрь ойи охирида содир бўлган. Ўшанда президент кортежига 350 га яқин одам ҳужум қилган. Ҳужум қилганларнинг қўлида ёнувчи аралашма солинган шишалар бўлиб, улар билан автомобилларни улоқтиришган.
Кейинроқ, 7 октябрь куни Даниэл Нобоа кортежига беш юзга яқин намойишчилардан иборат оломон ҳужум қилиб, уни тошбўрон қилган.
Изоҳлар мавжуд емас