Ўзбекистон, Тошкент – Batafsil.uz. АҚШ қимматли қоғозлар ва биржалар бўйича комиссияси (SEC) миллиардер Илон Маскни 2022 йилда Twitterни сотиб олгани учун судга берди. SEC тадбиркорни қонунларни бузганликда айблайди, чунки у компания акцияларининг катта қисмини сотиб олиш тўғрисида ўз вақтида хабар бермаган.
Амалдаги қонунчиликка кўра, акцияларга эгалик қилиш чегарасининг 5% дан ошганидан кейин 10 календар кун ичида SECни хабардор қилиш мажбурияти мавжуд. Маск акцияларни сотиб олишни бошлаганидан 11 кун ўтгач, Twitter акцияларининг 9 фоизини сотиб олиш учун керакли ҳужжатларни SECга топширган.
Ушбу ҳаракат унга камида 150 миллион доллар тежашга имкон берган, чунки у эгалик ҳуқуқини ошкор қилмасдан акцияларни арзон нархларда сотиб олишни давом эттирган. SEC низони ҳал қилишни таклиф қилган, аммо Маск таклифни рад этган.
Миллиардер Тwиттерни 44 миллиард долларга сотиб олган ва ҳар бир акция учун 54,2 доллар тўлаган. Хабар қилинишича, Маск идорани хабардор қилган куни Twitter акциялари қиймати 27% дан ошган.
Аввалроқ, Twitter акциядори Марк Бане Раселл ҳам тадбиркорни судга бериб, акцияларни сотиб олиш ҳақидаги маълумотларнинг кечикиши Маскга уларни сунъий равишда арзонлаштирилган нархда сотиб олишга имкон берганини даъво қилган эди.
Изоҳлар мавжуд емас