Ўзбекистон, Тошкент - Batafsil.uz. АҚШ қочқинлар, бошпана олганлар ва бошқа иммигрантлар учун ишлашга рухсат бериш қоидаларини кучайтирди. Бундай ҳужжатларнинг амал қилиш муддати 18 ой билан чекланади. Илгари улар беш йилга берилган.
Дональд Трамп маъмуриятининг қайд этишича, ўзгаришлар мамлакатда ишлаш ҳуқуқига эга бўлганлар устидан назоратни кучайтиришга қаратилган. АҚШ Фуқаролик ва иммиграция хизмати раҳбари Жозеф Эдлоу рухсатномаларнинг амал қилиш муддатини қисқартириш ариза берувчиларнинг долзарб мақомини тез-тез кузатиб бориш имконини беришини таъкидлади.
"Бу Қўшма Штатларда ишлашни истаган шахсларнинг жамоат хавфсизлигига таҳдид солмаслиги ёки Америкага қарши зарарли ғояларни тарғиб қилмаслигини таъминлайди. Мамлакатимиз пойтахтида Миллий гвардия ҳарбий хизматчиларига аввалги маъмурият томонидан мамлакатга киритилган хорижлик томонидан ҳужум қилинганидан сўнг, биз тез-тез текширув ўтказишимиз кераклиги янада ойдинлашди", - деди хизмат раҳбари Жозеф Эдлоу.
Ўзгартиришлар бошпана олган, депортация ёки чиқариб юбориш тўхтатилган, бошпана сўрови кўриб чиқилишини кутаётган ёки чиқариб юбориш тўхтатилган қочқинларга тегишли бўлади. Чора 5 декабрдан кучга кирди.
Аввалроқ ижтимоий тармоқларда Green Card (Diversity Visa) дастурида иштирок этиш учун рўйхатдан ўтиш бошлангани ҳақида хабарлар тарқалган эди. АҚШнинг Ўзбекистондаги элчихонаси бу маълумотни рад этди.
Изоҳлар мавжуд емас