Ўзбекистон, Тошкент - Batafsil.uz. АҚШда 2024-йил Дональд Трампга нисбатан суиқасд билан боғлиқ иш бўйича айбланган шахсга нисбатан суд ҳукми чиқарилди.
АҚШ Федерал суди 59 ёшли Раян Роутни Дональд Трампга суиқасд уюштириш билан боғлиқ жиноят иши бўйича айбдор деб топди. У бир қатор жиноий айбловлар, жумладан, сиёсий шахс хавфсизлигига таҳдид солиш ва қурол билан боғлиқ қонунбузарликларда жавобгар деб эътироф этилди.
Ҳодиса 2024-йил сентябрь ойида АҚШнинг Флорида штатида жойлашган голф майдонида содир бўлган. У ерда Дональд Трампга нисбатан суиқасд уюштиришга тайёргарлик кўрилган. У қурол билан ҳудудда яширинган ҳолда кузатув олиб борган ва Махфий хизмат ходимлари томонидан фош этилган.
Суд жараёнида айбланувчи ўзини ўзи ҳимоя қилган. Судья унинг ҳаракатларини олдиндан пухта режалаштирилган, давлат хавфсизлиги ва жамоат тартибига жиддий таҳдид солувчи жиноят сифатида баҳолади.
Айблов хулосасида суиқасдга тайёргарлик кўриш жараёнида айбланувчи ноқонуний қурол сақлагани ва ундан фойдаланиш билан боғлиқ ҳолатлар ҳам қайд этилган.
Маълум қилинишича, ҳукм устидан апелляция шикояти киритиш масаласи айбланувчи томонидан кўриб чиқилмоқда.
Изоҳлар мавжуд емас