Ўзбекистон, Тошкент - Batafsil.uz. Афғонистоннинг Ҳирот шаҳрида ҳижоб кийиш талаби туфайли аёллар ҳибсга олинганидан кейин бошланган норозилик намойишини тарқатиш чоғида икки киши ҳалок бўлди.
The Guardian нашрининг ёзишича, норозилик ҳижоб қоидаларини бузганликда айбланган аёлларни ҳибсга олишнинг янги тўлқинидан кейин бошланган.
Акцияга ўнлаб одамлар чиққан. Иштирокчилар ўзбошимчалик билан ҳибсга олишларни тўхтатишни талаб қилишди. Гувоҳларнинг сўзларига кўра, "Толибон" ҳаракатининг хавфсизлик кучлари намойишчиларга қарата ўт очган, сўнгра уларни тарқатиш учун махсус бўлинмалардан фойдаланган.
Маҳаллий манбаларнинг хабар беришича, икки киши ҳалок бўлган, улар орасида бир бола ҳам бор. Яна уч киши яраланган, камида 13 киши калтакланган ва ҳибсга олинган.
БМТнинг Афғонистондаги инсон ҳуқуқлари бўйича махсус маърузачиси Ричард Беннет ҳаддан ташқари куч ишлатилганини айтди ва айбдорларни жавобгарликка тортишга чақирди.
Шу билан бирга, "Толибон" вакиллари ҳибсга олишлар ҳақидаги хабарларни рад этиб, уларни "асоссиз" деб атади. Ҳаракатнинг таъкидлашича, гап исломий кийим кийиш қоидаларини тушунтириш ҳақида борган.
Эслатиб ўтамизки, аввалроқ толиблар тўққиз ёшли қизлар билан никоҳни расман қонунийлаштирган эди.
Изоҳлар мавжуд емас