Ўзбекистон, Тошкент – Batafsil.uz. Арманистон парламентида "Арманистон" фракцияси депутати, республиканинг иккинчи президентининг ўғли Левон Кочаряннинг нутқидан сўнг ҳокимият ва мухолифат вакиллари ўртасида жанжал келиб чиқди.
Armenia Today хабарига кўра, Кочарян Арманистон бош вазири Никол Пашинян ва спикери Ален Симонянни мухолифатга таҳдид қилишдан огоҳлантирган ва бундай ҳаракатлар содир бўлса, Симонянни курсидан "туртиб юборишини" ва "йиқилиш оғриқли бўлишини" айтган.
Шунингдек, у узоқ йиллардан бери ҳокимият вакиллари унинг оиласи ҳақида бўрттирилган маълумотларни айтиб келаётганини айтиб, отаси ва оиласи ҳақида тарқалаётган маълумотлар уйдирма эканлигини тан олишга чақирди.
- Ҳой бола! Ўз ўрнингни бил... Левон, ўтир, гапимга қулоқ сол. Халқ улар ватан хоинлари эканини, уруш шароитида Қорабоғни оиласи билан тарк этганини, Қорабоғ учун ҳам, Қорабоғ халқи учун ҳам ҳеч нарса қилмаганини айтмоқда," деб жавоб берди унга Миллий мажлис вице-спикери Акоп Аршакян.
У Кочарянга "унинг чиқишига халақит бергани учун уни залдан чиқариб юбориш" билан таҳдид қилди.
Бу сўзлардан сўнг депутатлар бир-бирларини ҳақорат қила бошладилар, баъзилари ўринларидан сакраб туриб, қўлларини силкитдилар. Иш жанжалгача етиб бормади, енгил муштлашув бўлди.
Эслатиб ўтамизки, Ўзбекистон Халқ демократик партияси парламентдаги мухолиф фракция мақомига ўтганини расман эълон қилди. Бундай қарор Олий Мажлисда электорат манфаатларини янада самарали ифодалаш, шунингдек, ижтимоий йўналтирилган сиёсат йўлини давом эттириш мақсадида қабул қилинди.
Изоҳлар мавжуд емас