Ўзбекистон, Тошкент - Batafsil.uz. Эрон Ислом Республикасининг Ўзбекистон Республикасидаги элчихонаси яқинда содир бўлган ҳарбий тўқнашувлар якуни бўйича расмий баёнот бериб, мамлакатга қарши олиб борилган кўп қиррали гибрид уруш муваффақиятсизликка учраганини маълум қилди. Дипломатик миссиянинг таъкидлашича, Эрон ўз тарихидаги энг оғир даврлардан бирини бошдан кечирган бўлса-да, душманлар томонидан қўйилган стратегик мақсадларнинг бирортасига эришилмаган.
Бугун эълон қилинган баёнотда қайд этилишича, Эронга қарши қаратилган ҳарбий, иқтисодий, информацион ва сиёсий босимлардан мақсад — мамлакат иқтисодиётини фалаж қилиш, тийиб туриш қудратини йўқотиш, Форс кўрфази ва Ҳўрмуз бўғозидаги таъсирини камайтириш ҳамда сиёсий тизимда бўшлиқлар яратиш бўлган. Бироқ уруш якунланган бўлса-да, Эрон яхлит давлат, унинг қуролли кучлари эса уюшган ва самарали тизим сифатида сақланиб қолган. Элчихона ушбу инқироздан муваффақиятли ўтишда мамлакатнинг янги Олий раҳбарининг бошқаруви ҳамда халқнинг миллий бирдамлиги ҳал қилувчи рол ўйнаганини алоҳида эътироф этган.
Баёнотда уруш даврида ҳалок бўлган Эроннинг собиқ раҳбари, қўмондонлари ва хавфсизлик ходимлари хотираси ёд этилиб, мамлакат янги босқичга қадам қўйгани эълон қилинган. Эндиликда Теҳрон миллий қаршилик натижаларини барқарор иқтисодий ўсиш, инфратузилмани модернизация қилиш ва халқаро алоқаларни кенгайтиришга йўналтиришини ҳамда майдон (ҳарбий куч) ва дипломатия бир-бирини тўлдирувчи ажралмас омил бўлиб қолишини таъкидлаган.
Гарчи АҚШ Президенти Дональд Трамп томонидан таклиф этилаётган Эрон билан сулҳ битими тузилиш арафасида бўлса-да, бу Исроил сиёсий доираларида кескин норозилик ва ички инқирозни келтириб чиқарган.
Исроил ҳукумати аъзолари ва мухолифат етакчилари ушбу келишувни "стратегик мағлубият" деб атаб, Бош вазир Беньямин Нетаньяхуни мамлакат хавфсизлигини таъминлай олмаганликда айбламоқда.
Изоҳлар мавжуд емас