Ўзбекистон, Тошкент - Batafsil.uz. Нобель ассамблеяси 2026 йилги физиология ёки тиббиёт бўйича Нобель мукофоти Карл Дейссерот, Петер Ҳегеманн ва Георг Нагелга берилганини эълон қилди.
Олимлар учлиги ёруғлик билан бошқариладиган ион каналлари ҳамда оптогенетика соҳасидаги кашфиётлари учун ушбу юксак мукофотга сазовор бўлди. Оптогенетика ёрдамида ёруғлик орқали тирик ҳужайралар, хусусан, асаб ҳужайралари фаолиятини аниқ бошқариш имкони пайдо бўлган.
Бу 2026 йилги Нобель мукофотларининг биринчи бўлиб эълон қилингани бўлди. Лауреатлар номлари 5–12 октябрь кунлари навбатма-навбат маълум қилинади. Физика бўйича ғолиблар 6 октябрь, кимё бўйича 7 октябрь, адабиёт бўйича 8 октябрь, тинчлик бўйича 9 октябрь куни эълон қилинади. Иқтисодий фанлар бўйича совриндор эса 12 октябрь куни маълум бўлади.
Маълумот учун, 2025 йилги физиология ёки тиббиёт бўйича Нобель мукофоти америкалик Мэри Брунков ва Фред Рамсделл ҳамда япониялик Шимон Сакагучига периферик иммун толерантлигига оид кашфиётлари учун берилган эди.
2026 йилги Нобель мукофотининг пуллик қисми 12 миллион швед кронасини ташкил этади ва уч нафар лауреат ўртасида тенг тақсимланади.
Нобель мукофотларини тантанали топшириш маросими 10 декабрь куни Швециянинг Стокгольм шаҳрида бўлиб ўтади.
Изоҳлар мавжуд емас