Ўзбекистон, Тошкент - Batafsil.uz. Францияда ўнг қанот "Миллий бирлик" (RN) партиясининг жамоат жойларида рўмол ўрашни тақиқлаш бўйича ташаббус билан чиқди. Бунга қарши туриш мақсадида франсузлар ижтимоий тармоқларда флешмоб бошлади. Акция иштирокчилари мусулмон аёлларни қўллаб-қувватлаш мақсадида рўмол ўраб тушган фото ва видеоларини жойлаштиришмоқда.
Хорижий оммавий ахборот воситалари хабар беришича, мамлакатдаги ижтимоий тармоқлардаги кескин фаоллик "Миллий бирлашув" партияси намояндаси Жан-Филипп Тангуйнинг ойнаижаҳон орқали қилган чиқишидан сўнг авж олган. Сиёсатчи агар унинг партияси келаси йилги президентлик сайловларида ғолиб чиқса, кўча-кўйда рўмол ўраб юрган аёллар жаримага тортилишини очиқлаган.
Шунингдек, ушбу сиёсий куч ҳокимият тепасига келган тақдирда, жамоат жойларида рўмол ва диний рамзларни тақиқлаш масаласини умумхалқ референдумига олиб чиқишни режалаштирмоқда. Бу баёнот жамоатчиликда ва аёллар ўртасида кескин эътироз туғдирган.
Ижтимоий тармоқларда бошланган ҳамжиҳатлик кампанияси доирасида хотин-қизлар ўз суратлари остига "Рўмол ўрайдиган барча юртдошларимизни қўллаб-қувватлаймиз" ва "Агар бу қонун кучга кирса, мен ҳам дарҳол рўмол ўрайман" каби изоҳларни қолдирмоқда. Мухолиф сиёсатчилар ва инсон ҳуқуқи ҳимоячилари бу ташаббусни айнан мусулмон аёллар эркинлигини чеклашга қаратилган адолатсиз ва камситувчи чора деб баҳоламоқда.
Изоҳлар мавжуд емас