Ўзбекистон, Тошкент - Batafsil.uz. Миллиардер Илон Маск АҚШ Президенти Дональд Трамп ҳукуматига расмий маслаҳатчи сифатида қайтиб, Пентагоннинг келажакдаги урушларни ўрганишга қаратилган "Меридиан" лойиҳаси раҳбари бўлди. Бу ҳақда АҚШ Мудофаа вазири Пит Ҳегсет Квантико ҳарбий базасида қилган чиқишида маълум қилди.
Мазкур лойиҳа раҳбарлигига Илон Маск билан биргаликда Anduril Industries мудофаа компанияси асосчиси Палмер Лаки ҳамда Вакиллар палатаси собиқ спикери Ньют Гингрич ҳам киритилган.
Ташаббуснинг асосий мақсади Америка инноваторлари ва технологиялари имкониятларидан фойдаланган ҳолда келажакдаги ҳарбий ҳаракатлар стратегиясини ва зарур технологияларни аниқлашдан иборат.
Лойиҳа гуруҳи тадқиқот ва таҳлил натижаларини 120 кун ичида Мудофаа вазирлигига тақдим этиши белгиланган.
Маълумот учун, Илон Маск 2025 йилнинг май ойида Дональд Трамп билан юзага келган келишмовчилик сабабли Ҳукумат самарадорлиги департаменти (DOGE) раҳбарлигидан истеъфога чиққан эди.
Олдинроқ 2025 йил Июнь ойи бошида Илон Маск ва Доналд Трамп ўртасида можаро бошланиб, матбуот ва ижтимоий тармоқларда очиқ жанжалга айланганди.
Изоҳлар мавжуд емас