Ўзбекистон, Тошкент - Batafsil.uz. Индонезияда Анак Кракатау вулқонининг фаоллашиши ва ҳавога катта миқдорда кул чиқариши оқибатида мамлакатдаги 8 та аэропорт фаолиятига вақтинчалик чекловлар жорий этилди. Бу ҳақда мамлакат Транспорт вазирлиги маълум қилди.
Вазирлик ахборотига кўра, чекловлар Жакарта яқинидаги Соэкарно-Ҳатта ҳамда Бали оролидаги Нгура Раи халқаро аэропортлари ишига ҳам таъсир кўрсатиб, бир қатор рейслар кечиктирилган ёки бекор қилинган. Вулқон фаоллиги июль ойи бошидан буён кузатилаётган эди, бироқ 4 сентябрь куни отилиш кўлами кескин ортиб, кул булутлари Жакарта ва унга туташ ҳудудларгача етиб борган.
Маҳаллий ҳокимият органлари аҳолига кўчага чиққанда тиббий ниқоб тақишни ва хонадонлар эшик-деразaларини маҳкам ёпишни тавсия этмоқда. Шунингдек, айрим мактаблар масофавий таълимга ўтказилган ва бепул мактаб таомларини етказиб бериш вақтинча тўхтатилган.
Ҳозирча отилиш оқибатида жабрланганлар ҳақида маълумот келиб тушмаган, соҳа мутасаддилари вазиятни тўлиқ назоратда ушлаб турибди.
Аввалроқ июнь ойида Индонезиянинг Левотоби вулқонида сутка давомида олти марта кучли отилиш кузатилганди.
Изоҳлар мавжуд емас