Ўзбекистон, Тошкент - Batafsil.uz. 2026 йилнинг дастлабки олти ойида Ўзбекистон судлари томонидан 11 минг 703 нафар шахсга нисбатан озодликдан маҳрум қилиш жазоси тайинланди. Бу ҳақда Олий суд маълумотларига таяниб хабар берилмоқда.
Маълум қилинишича, қамоқ жазосига тортилганлар сони ўтган йилнинг мос даврига (9 минг 570 киши) нисбатан 22 фоизга ёки 2 минг 133 нафарга кўпайган. Озодликдан маҳрум қилинганларнинг энг катта қисми, яъни тенг ярмига яқини (5 минг 788 нафари) гиёҳвандлик воситалари билан боғлиқ жиноятлар учун жазога тортилган.
Бундан ташқари, 1 789 киши безорилик, 1 376 киши қасддан баданга оғир ва ўртача оғирликдаги тан жароҳати етказиш, 179 киши эса қасддан одам ўлдириш жиноятлари бўйича озодликдан маҳрум этилган. Пойтахт Тошкентда икки нафар шахсга нисбатан умрбод озодликдан маҳрум қилиш жазоси қўлланилган.
Ҳудудлар кесимида энг кўп маҳкумлар Тошкент шаҳрида (2 030 киши), Фарғона (1 462 киши) ва Тошкент (1 452 киши) вилоятларида қайд этилган. Энг кам кўрсаткич эса Қорақалпоғистон Республикасига тўғри келиб, 317 нафарни ташкил этган.
Изоҳлар мавжуд емас