Ўзбекистон, Тошкент - Batafsil.uz. Хитойда 156 миллион доллар пора олганликда айбланган China Huarong International Holdings инвестиция компаниясининг собиқ бош директори Бай Тянхуэй қатл этилди.
Суднинг аниқлашича, у 2014-2018 йиллар давомида ноқонуний ҳақ олиш учун хизмат мавқеидан фойдаланган.
2024 йил май ойида Бай Тянхуэй жуда катта миқдорда пора олгани учун ўлим жазосига ҳукм қилинди. Шу билан бирга, унинг барча шахсий мол-мулки мусодара қилинди, амалдорнинг ўзи эса умрбод сиёсий ҳуқуқлардан маҳрум қилинди.
2025 йил февраль ойида суд апелляцияни рад этиб, ҳукмни ўзгаришсиз қолдирди. Суд қуйи инстанцияларнинг хулосаларини тасдиқлаб, пора миқдори ва оқибатларининг оғирлиги қонунга мувофиқ қатъий жазони талаб қилишини маълум қилди.
"Олий халқ судининг розилиги билан 2025 йил 9 декабрь куни эрталаб Тянцзин шаҳрининг иккинчи ўрта даражали халқ суди судланган Бай Тянхуэйга нисбатан ўлим ҳукмини ижро этди", - дейилади хабарда.
Унинг собиқ раҳбари Лай Сяомин 2021 йилда худди шундай жиноятлар учун қатл этилган.
Изоҳлар мавжуд емас