Ўзбекистон, Тошкент - Batafsil.uz. Косово парламенти конституциявий муддат тугашига оз фурсат қолганда иқтисодчи Юстина Широка Пулани мамлакатнинг янги президенти этиб сайлади.
Сайлов жараёнида у 120 ўринли парламентда 81 та овоз тўплаб, зарур бўлган минимал чегарадан бир балл ортиқ олишга муваффақ бўлган.
Янги президентнинг ўз вақтида сайланиши мамлакатда навбатдан ташқари парламент сайловлари ўтказилишининг олдини олган.
Овоз бериш жараёни Бош вазир Альбин Куртининг ҳукмрон "Ветевендосье" партияси ва мухолифатдаги Демократик партия ўртасида Гаагадаги Косово уруш жиноятлари суди ваколатларини чеклаш бўйича келишувга эришилганидан сўнг бўлиб ўтган.
Парламент томонидан қабул қилинган ушбу ўзгаришлар ортидан пойтахтда норозилик намойишлари бўлиб ўтган ва полиция уларни тарқатиш учун махсус воситаларни қўллаган.
Маълумот учун, 1953 йилда туғилган Юстина Широка Пула иқтисодиёт профессори, Косово Фанлар ва санъат академияси президенти ҳамда 2008–2011 йилларда иқтисодиёт вазири лавозимида фаолият юритган.
Олдинроқ Сербияда Вучич истеъфосидан сўнг янги муваққат президент тайинланганди.
Изоҳлар мавжуд емас