Ўзбекистон, Тошкент - Batafsil.uz. Туркияда суд актёр Озан Гювенни оиладаги зўравонлик иши бўйича 2 йил-у 3 ойга озодликдан маҳрум қилди. Гювен "Муҳташам юз йил" тарихий сериалида Султон Сулаймоннинг куёви ва вазири аъзам Рустам пошо ролини ижро этган.
Актёрнинг собиқ севгилиси, журналист Дениз Булутсўз калтаклангани ҳақида полицияга мурожаат қилган. Бу 2020 йилда содир бўлган. У жароҳатлар суратини ва тиббий хулосани тақдим этди. Гювен айбловларни рад этиб, айнан Булутсўз тажовуз қилганини даъво қилди ва маънавий зарар учун компенсация талаб қилиб қарши даъво иши қўзғатди.
Суд аёлнинг далилларини ишончлироқ деб топди. Актёрнинг барча қарши даъволари рад этилди.
Суд Ўзан Гювенни калтаклашда айбдор деб топиб, унга 2 йил-у 3 ойлик қамоқ жазоси тайинлади. Актёрнинг жавоб даъволари асоссиз деб тўлиқ рад этилди.
Дениз Булутсўзнинг сўзларига кўра, у суд қароридан мамнун ва адолат қарор топган деб ҳисоблайди. Гювеннинг адвокатлари аллақачон ҳукм устидан шикоят қилиш ниятида эканликларини маълум қилишди.
Эслатиб ўтамиз, машҳур "Муҳташам юз йил" сериалида Султон Сулаймон ролини ижро этган таниқли турк актёри Халит Эргенч бир йил-у ўн ойга қамалди. У 2013 йилда Гези боғидаги норозилик намойишлари билан боғлиқ ишда ёлғон кўрсатма берганликда айбланмоқда.
Изоҳлар мавжуд емас