Ўзбекистон, Тошкент - Batafsil.uz. Жорий йилнинг 9 ноябрь куни Ҳиндистоннинг Нью-Дели шаҳрида Қизил қалъа метро бекати яқинида кечқурун автомобил портлаши содир бўлди. Оқибатда камида 9 киши ҳалок бўлиб, 20дан ортиқ фуқаро турли даражада тан жароҳати олди. Гумонланувчи ҳозирда қўлга олинган.
Гувоҳлар ҳодисани шиддатли портлаш деб таърифлаган, унда яқин атрофдаги бир нечта автомобиллар йўқ қилинган ва дўконларнинг ойналари синган.
Ҳодисадан сўнг Нью-Дели полицияси бутун шаҳар бўйлаб фавқулодда ҳушёрлик сигналини эълон қилди, ҳаёт учун муҳим объектлар ва метро станциялари текширувдан ўтказилди.
Тергов маълумотларига кўра, асосий гумонланувчи сифатида доктор Умар эътироф этилмоқда. У Фаридабод шаҳрида фаолият юритган террорчи гуруҳ — "Фаридабод модул" аъзоси бўлган.
Ҳодиса содир бўлган автомашина — Hyundai i20, аввал Ҳарияна штати фуқароси Муҳаммад Салмон номига рўйхатдан ўтказилган ва кейинчалик бир неча марта сотилган.
Гумонланувчининг онаси ва укаси ҳибсга олинган ва улардан сўров олиб борилмоқда.
Ҳозирда портлаш сабаби аниқ эмас. Тахминларга кўра, у автомобилдаги газ баллони ёки портловчи модда таъсири оқибатида рўй берган бўлиши мумкин.
Портлаш тарихий Қизил қалъа яқинида содир бўлгани сабабли нафақат маҳаллий, балки халқаро ҳамжамият эътиборини ҳам тортиб, ҳодисага оид тергов ва хавфсизлик чоралари юқори даражада олиб борилмоқда.
Изоҳлар мавжуд емас