Ўзбекистон, Тошкент - Batafsil.uz. АҚШ Мудофаа вазирлиги Афғонистон ва Яқин Шарқ осмонида кузатилган номаълум учар жисмлар (НУЖ) тўғрисидаги архив маълумотларининг бешинчи тўпламини эълон қилди. Идоранинг расмий сайтида оммага тақдим этилган ушбу тўпламдан 1950 йилдан 2026 йилгача бўлган даврда тўпланган 41 та файл, жумладан, 16 та видеотасвир ўрин олди.
Хорижий нашрлар билдирган хабарига кўра, махфийликдан чиқарилган материаллар орасида 2002 йилда Афғонистондаги Багром аэродроми устида ҳарбий учувчи томонидан кузатилган улкан учбурчаксимон объект ҳақидаги гувоҳлик алоҳида ажралиб турган. Ҳужжатда келтирилишича, овозсиз ва чироқларсиз ҳаракатланган ушбу номаълум жисм юлдузлар ёғдусини тўсиб ўтган.
Шунингдек, архивдан 2025 йилда Яқин Шарқдаги аҳоли пункти устида учиб ўтган шарсимон жисм ҳамда 2021 йил сентябрида Уммон кўрфазида АҚШ махсус кучлари машғулотлари вақтида тасвирга олинган лавҳалар жой олган.
Хабарда очиқланишича, тўпламда 2026 йилда АҚШнинг ғарбий ҳудудларида кузатилган "кўплаб қизил чироқлар" ҳақидаги маълумотлар ҳам келтирилган. Пентагон вакилларининг таъкидлашича, номаълум ҳаво ҳодисаларига оид архив материалларини оммага тақдим этиш амалиёти келгусида ҳам мунтазам равишда давом эттиришини маълум қилган.
Олдинроқ Афғонистоннинг собиқ Фавқулодда вазиятларни бошқариш вазири Нажиб Оға Фаҳим Ўзбекистон ва Туркманистоннинг Қўштепа канали лойиҳасини баҳс остига қўйиш учун ҳуқуқий асослари етарли эмаслигини билдирилганди.
Изоҳлар мавжуд емас