Ўзбекистон, Тошкент - Batafsil.uz. Вашингтондаги Washington Hilton меҳмонхонасида АҚШ Президенти Дональд Трамп иштирокидаги Оқ уй мухбирлари уюшмаси тадбири вақтида содир этилган отишма содир бўлди. Гумонланувчининг оила аъзолари ҳуқуқ-тартибот органларини бўлажак ҳужум ҳақида огоҳлантирган бўлиши мумкинлиги айтилмоқда.
CNN телеканалининг АҚШ маъмуриятидаги манбаларига таяниб хабар беришича, отишмани содир этган шахснинг яқинлари ҳуқуқ-тартибот органларини унинг потенциал хавфли эканлиги ҳақида хабардор қилишган. Ҳозирча ушбу огоҳлантириш ҳужумдан олдинми ёки кейин берилгани аниқлаштирилмоқда.
25 апрель оқшомида содир бўлган ҳодисада гумонланувчи 31 ёшли Коул Томас Аллен (Калифорния штати, Торранс шаҳри) меҳмонхонанинг хавфсизлик пункти яқинида ўқ узган. Махфий хизмат ходимлари Дональд Трамп, Мелания Трамп ва Вице-президент Жей Ди Вэнсни зудлик билан хавфсиз ҳудудга эвакуация қилган. Президент тан жароҳати олмаган.
Отишма оқибатида бир нафар хавфсизлик зобити яраланган, бироқ зирҳли нимча унинг ҳаётини сақлаб қолган. Алленнинг ёнидан иккита тўппонча ва бир нечта пичоқ топилган.
Тергов маълумотларига кўра, Коул Томас Аллен Калифорния технология институти (Caltech) битирган, Linkedln сайтида ўйин ишлаб чиқувчи ва муҳандис сифатида эълонлар жойлаштирган. Аниқланишича, отишмадан олдин гумонланувчи оиласига юборган ёзма мурожаатида Трамп маъмуриятининг барча бўғиндаги ходимларини нишонга олишни режалаштирганини ёзган. Унинг ижтимоий тармоқлардаги саҳифаларида президентга қарши кескин постлар ва радикал қарашлар мавжудлиги аниқланган.
Ҳозирда ФҚБ ва терроризмга қарши кураш гуруҳлари воқеани федерал даражада текширмоқда. Алленга нисбатан зобитга ҳужум қилиш ва қуролли зўравонлик бўйича айбловлар қўйилиши кутилмоқда.
Президент Трамп матбуот анжумани чоғида юз берган ҳолатни хотирлаб, ўқ овозларини патниснинг ерга тушишига ўхшаганини таъкидлади. Мамлакат бўйлаб хавфсизлик чоралари кучайтирилган.
Эслатиб ўтамиз, бундан олдин ҳам Трампга суиқасд уйуштирилганди. Шу боис гумонланувчига бу бўйича умрбод қамоқ жазоси белгиланганди.
Изоҳлар мавжуд емас