Ўзбекистон, Тошкент - Batafsil.uz. Венесуэлада чоршанба куни кечқурун содир бўлган иккита кучли зилзила оқибатида қурбонлар сони 32 нафарга етди. Муваққат президент Делси Родригеснинг маълум қилишича, тан жароҳати олганлар сони 700 кишидан ошган.
Венесуэлада 25-июн куни иккита кучли зилзила қайд этилганди, бунинг оқибатида мамлакатда фавқулодда ҳолат эълон қилинди. Табиий офат туфайли пойтахт Каракасда бинолар қулаб тушди, жабрланганлар ва бедарак йўқолганлар борлиги хабар
қилинган эди.
Билдирилишича, мамлакатда 7,2 ва 7,5 магнитудали кетма-кет содир бўлган ер қимирлашлари натижасида кўплаб бинолар вайрон бўлган. Қутқарув гуруҳлари вайроналар остида қолганларни қидириш ва офатдан энг кўп зарар кўрган ҳудудларга етиб бориш бўйича оғир ишларни олиб бормоқда.
Ҳозирги кунда Ла-Гуайра штати табиий офатдан энг кўп жабр кўрган ҳудуд деб эътироф этилмоқда. "Ўнлаб бинолар қулаб тушди ва биз ҳаётларни сақлаб қолишдек оғир вазифани бажаряпмиз. Ла-Гуайра штати чинакам фожеани бошдан кечирмоқда ва айни пайтда фалокат зонасига айланган", — деган Делси Родригес.
Расмийлар қидирув-қутқарув ишлари давом этаётгани сабабли қурбонлар ва жабрланганлар сони ортиши мумкинлигидан огоҳлантирмоқда.
Венесуэлада зилзила қурбонлари сони 30 кишидан ошди
9
Ўзбекистон бўйлаб янгиликлар: Telegram-каналга уланинг
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0
Изоҳлар мавжуд емас