Ўзбекистон, Тошкент - Batafsil.uz. Афғонистон кўмири бундан буён Покистонга эмас, Ўзбекистонга экспорт қилинади. Ўзбекистон кўмирнинг асосий харидорига айланади ва бунга жавобан Афғонистонга юқори сифатли цемент ва фармацевтика маҳсулотларини етказиб бериш ниятида.
Бу ҳақда Балх вилояти губернатори вакили Ҳожи Зайд Афғонистон расмийлари ва Тошкент ўртасида де-факто янги савдо шартномалари тузилганини маълум қилди.
Экспорт йўналишини ўзгартириш тўғрисидаги қарор Афғонистон ва Покистон ўртасидаги чегара ўтиш жойларининг ёпилиши ва савдо-сотиқнинг амалда тўхтатилиши фонида қабул қилинди. Бу ҳолат толибларни қўшни давлатлар, биринчи навбатда, Ўзбекистон ва Эрон билан ҳамкорликни фаол ривожлантиришга ундади.
Шу билан бирга, Толибон Молия вазирлиги Покистон билан савдонинг тўхтатилиши афғон савдоси ҳажми ва божхона тушумларига "салбий таъсир кўрсатмаганини" даъво қилиб, вазирлик муқобил каналларни ўзлаштиришда бизнесни қўллаб-қувватлашига ишонтирди.
Шу билан бирга, Покистоннинг Dawn газетаси октябрь ойида Кобул ва Исломобод ўртасидаги кескинликдан сўнг Торкҳам чегара ўтиш жойининг ёпилиши Афғонистон ва Покистоннинг 4,5 миллиард доллардан ортиқ савдо йўқотишларига олиб келганини таъкидлайди.
Изоҳлар мавжуд емас