Ўзбекистон, Тошкент - Batafsil.uz. Давлат активларини бошқариш агентлиги директори Соҳибжон Муродов UNG Petro ва Чиноз нефтни қайта ишлаш заводи (НҚИЗ) "яширинча хусусийлаштирилгани" ҳақидаги айбловларга муносабат билдирди.
Агентлик раҳбарининг таъкидлашича, мазкур активлар халқаро консультантлар жалб этилган ҳолда ва тўғридан-тўғри музокаралар ўтказиш орқали хусусийлаштирилган.
"Ўзбекнефтгаз" ҳисоботида келтирилишича, иккала объект ҳам 2023 йилнинг ноябрь ойида Petroleum Technology Group компаниясига сотилган бўлиб, битимнинг умумий қиймати 453 миллиард сўмни ташкил этган.
Шу билан бирга, Соҳибжон Муродов ушбу хусусийлаштириш жараёни бўйича маълумотлар жамоатчиликка етарли даражада кенг ва изчил етказилмаганини тан олган.
Аввалроқ Тошкентнинг Сергели туманида самолётларга авиация ёқилғиси қуйишга мўлжалланган 11 гектарлик мажмуа очиқ савдога қўйилганди ва Давлат активларини бошқариш агентлиги объектни хусусийлаштириш жараёнида маслаҳатчи сифатида халқаро Ernst & Young компаниясини жалб қилганди.
Изоҳлар мавжуд емас