Ўзбекистон, Тошкент - Batafsil.uz. Қорақалпоғистонда сунъий интеллект лойиҳалари ва дата-марказлар учун ташкил этилган махсус зонада инвесторларга 2040 йилгача барча турдаги солиқ ва божлардан озод этилиш имтиёзи берилди. Давлат раҳбарининг маълум қилишича, мазкур ҳудудда юқори технологик инфратузилмани ривожлантириш учун мисли кўрилмаган шароитлар яратиб берилади.
Янги тартибга кўра, ушбу махсус зонадаги корхоналар учун йўл, электр ва сув инфратузилмаси тўлиқ давлат ҳисобидан қуриб берилади. Бундан ташқари, туну кун юқори қувватда ишлайдиган маълумотлар марказларининг энергия сарфини қўллаб-қувватлаш мақсадида, 1 киловатт-soat электр энергияси учун 5 цент миқдорида махсус имтиёзли тариф белгиланди.
Бу каби стратегик имтиёзлар яқин беш йил ичида Ўзбекистонда сунъий интеллект йўналишида камида 10 миллиард долларлик қўшимча қиймат яратилишига хизмат қилади. Шунингдек, инвесторларга қуёш ва шамол электр станциялари билан бир қаторда энергия сақлаш тизимларини ривожлантириш ва "яшил" энергия асосида ишлайдиган маълумотлар марказлари барпо этиш лойиҳалари ҳам таклиф этилмоқда.
Бундан олдин ҳам Тошкент халқаро инвестиция форумида сўзга чиққан Президент Шавкат Мирзиёев инвесторлар учун 50 йиллик имтиёз жорий қилинишини билдирганди.
Изоҳлар мавжуд емас